World Literacy Day: 08/09/2024

World Literacy Day : आंतरराष्ट्रीय साक्षरता दिन (World Literacy Day ) दरवर्षी 8 सप्टेंबरला संपूर्ण जगभरात मोठ्या उत्साहात साजरा केला जातो. जागतिक साक्षरता दिवस साजरा करण्याची सुरुवात 1966 सालापासून झाली. हा दिवस साजरा करण्याचा मुख्य उद्देश म्हणजे लोकांमध्ये शिक्षणाविषयी जागरूकता निर्माण करणे आणि जगभरातील लोकांचे शिक्षणाकडे लक्ष वेधणे असा आहे. एक साक्षर आणि सक्षम समाज घडविण्यासाठी हा दिवस दरवर्षी साजरा केला जातो. जागतिक साक्षरता दिवसानिमित्ताने जगभर शिक्षणाविषयी जनजागृती केली जाते.

आंतरराष्ट्रीय साक्षरता दिनाचा उद्देश प्रत्येक व्यक्ती, समुदाय, आणि समाजापर्यंत शिक्षणाचे महत्त्व पोहोचवणे हा आहे. संयुक्त राष्ट्र शैक्षणिक, वैज्ञानिक आणि सांस्कृतिक संघटना ( UNESCO ) ने 26 ऑक्टोबर 1966 रोजी UNESCO जनरल कॉन्फरन्सच्या 14 व्या सत्रात या दिवसाची घोषणा केली. या घोषणेनंतर, 1967 मध्ये प्रथमच आंतरराष्ट्रीय साक्षरता दिवस साजरा करण्यात आला.

शिक्षण घेणे किती महत्त्वाचे आहे, याची जाणीव लोकांना व्हावी आणि शिक्षणाबद्दल जागरुकता वाढावी, हा साक्षरता दिन साजरा करण्यामागचा हेतू आहे. शिक्षण घेतले तर कोणताही माणूस जीवनात यश मिळवू शकतो. कोणत्याही देशातील साक्षरतेचे प्रमाण किंवा साक्षरतेचा दर वाढला तर त्या देशाचाही झपाट्याने विकास होतो. साक्षरता दिवसाचा उद्देश नागरिकांना साक्षर होण्यासाठी प्रेरित करणे हा आहे.

दरवर्षी साक्षरता दिवसानिमित्त थीम असते. त्याुसार यावर्षीची थीम : “Promoting Multilingual Education : Literacy for Mutual Understanding and Peace.”